„Ejal woher do küss“ – Das Lied des Porzer Dreigestirn 2019

von Erry Stoklosa

1.

Uns Jungfrau es en diesem Johr    jrad 19 Lenze jung

Dat jaranteet däm Buur un mir      en Session met reichlich Schwung

Eijentlich do hät se noch         nen Koffer in Berlin

Doch wat es schon su ene Koffer     jäjen e Jungfraue Kostüm

Refr.

Ejal woher do küss, ejal wat do och bes

De Haupsaach dat do Spaß un Freud am Fastelovend häss

Ejal woher do küss, ejal wat do och bes

De Haupsaach dat do all uns Jecke ahn et Laache kriss

2.

Dä statze Buur he neven mir     dä kütt us Amiland

Jebore en Chicago      de way of live deef enjebrannt

Met 43 Johr jedoch    kom hä he ahn d`r Rhing

Wat us ihm jewoode es    dat kann hück jeder sin

Refr.

3.

Ich, su säht d`r Jeck      ich ben ne echte Poorzer Jung

Dröm han ich och ming Muttersproch      em Hätz un op d`r Zung

Ich maach die kölsche Musik, ming Stadt, minge Verein

Dä jrößte Wunsch dä wor schon immer      nur „ EINMAL PRINZ ZU SEIN“

Refr.

C.Teil

Su stonn mer jetz he für üch, han noch keinen Daach bereut

Dennis, Markus un Helene un mir wünschen üch vill Freud

Refr.